Heilasellur óskast.....

Ég hef nú séð margar atvinnuauglýsingar á síðustu vikum en þessi sem hún Esther benti mér á fyrr í dag er án efa ein af þeim undarlegri:

Prentun og frágangur
Töffari óskast!

Við leitum að karli eða konu til að annast og stjórna prentun og frágangi í litlu og vaxandi fyrirtæki. Góð laun fyrir rétta töffarann. Starfið er laust nú þegar.

Góð laun í boði fyrir rétta töffarann??? Hvers konar fyrirtæki er þetta eiginlega, verða menn nú að vera töffarar til að geta fengið vinnu við að prenta??? Ef ég ætti fyrirtæki þá myndi ég ganga skrefinu lengra þegar ég væri að auglýsa eftir starfsfólki.

Útgáfufyrirtæki
Einkaritari og aðstoðarmaður óskast

Útgáfufyrirtækið V publishing Inc. sem hefur gefið út metsölubækur á borð við "Snati, holdsveiki hundurinn", "Pabbi, afhverju blæðir mömmu?" og "Heimsendir er þegar V hentar" auglýsir lausar stöður til umsóknar.

Einkaritari
Staðan sem um ræðir er einkaritari eiganda V publishing. Auglýst er eftir konum á aldrinum 20-29 ára og verða þær að hafa litla þekkingu á hlutum eins og jafnrétti og kynferðislegri áreitni. Stór brjóst og þrýstinn rass skilyrði og einnig er æskilegt að umsækjendur taki sig vel út í skólabúning. Umsækjendur verða vigtaðir í viðtali (fyrst líkamsþyngd og svo hvert brjóst vigtað fyrir sig) og verður umsókn að miklu leyti metin út frá því. Öllum umsóknum verður svarað (hafnanir verða afgreiddar með blautri tusku)

Aðstoðarmaður
Staðan sem um ræðir er aðstoðarmaður eiganda V publishing. Auglýst er eftir karlmanni á aldrinum 25-35 ára. Á meðal starfa sem umsækjandi þarf að geta sinnt er: Skreppa í vínbúð, kaupa í matinn og halda hægindastól V heitum án þess að skemma rassfarið. Tekið er fram að aðstoðarmanni má ekki semja vel við einkaritarann. Einnig þarf umsækjandi að vera ófríðari en V svo að V líti betur út í samanburði.

Hver vill sækja um svona starf???? Ég veit amk að ég mun ekki vera hæfur í þetta prentarastarf vegna skorts á töffaraskap en ég vona að þeim gangi vel með James Dean karakterinn sem þau ráða.