Heppnasti maður í heimi!!!!

Ég verð að segja það að ég er stundum alveg einstaklega heppinn. Athugið að þetta er kaldhæðni. Þannig er það nefnilega með mig að ég á stundum til að segja réttu hlutina á alveg kolvitlausum tíma! Eins og þegar ég spurði eina stelpu sem ég þekkti hvort að gengi ekki allt vel með meðgönguna og hvort hún væri bara alltaf að fitna, daginn eftir að hún missti fóstrið! Það datt engum í hug að segja mér frá því að hún væri búinn að missa fóstrið!

Ég lenti einmitt í svona stöðu um helgina. Þannig var að ég var á djamminu með vinnufélögum mínum og ég þurfti að nota símann hjá einum af þeim til að spjalla við vin minn. Eftir að símtalinu lauk þá sá ég að skjáhvílan á símanum hans var mynd af kærustunni hans. Þá sagði ég eitthvað á þá leið að hann væri alltaf svo ástfanginn en fékk bara í staðinn svarið "Þegiðu Viggó!" Ég var ekki alveg að skilja þetta svar en þar sem ég var fullur þá skipti það ekki svo miklu máli. Þetta samtal átti sér stað í leigubílnum á leiðinni niður í bæ og einhverra hluta vegna þá hvarf félaginn mjög fljótlega eftir að niður í bæ var komið. Það var ekki fyrr en þá að mér var tjáð það að gaurinn hafi verið að enda við að slíta sambandi við kærustuna! Þá allt í einu skyldi ég viðbrögðin hjá honum og ég skammaðist mín.
Í dag er ég á bömmer og er hálfpartinn að vona að gaurinn hringi sig inn veikann......

Eins og ég segi..... stundum er ég orðheppnasti maður í heimi!