Næstum búinn.....

Dýrð sé drottni.... þetta er alveg að vera búið þetta skóladæmi. Ég skilaði fyrstu ritgerðinni í gær, kláraði nr. 2 í dag og stefni á að ljúka þessari síðustu á morgun (eða í kvöld ef ég nenni). Prófin kláruðust fyrir tæpri viku síðan og þau gengu svona upp og ofan. Ég er nokkuð bjartsýnn á að ég hafi náð Aðferðafræðinni en Kvikmyndasagan gæti farið á hvorn veginn sem er. Annað hvort hef ég rétt náð eða rétt fallið. Fjölmiðlafræðinn er "in the bag" eins og menn segja (nema að kennarinn sé eitthvað bitur yfir því að ég skili ritgerð 2 vikum á eftir áætlun og felli mig). Ef allt gengur að óskum mun ég útskrifast 24. júní.... jibbí!

En hvað mun svo gerast í framtíðinni??? Jah... ég ætla að byrja á því að kíkja í frumsýningarteiti hjá henni Ástu annað kvöld til að fagna því að myndin hennar verður sýnd á Skjá Einum á morgun (kl.20.00). Ég fattaði reyndar um daginn að teitið hennar er á sama tíma og úrslitaleikurinn í meistaradeildinni þannig að ég vona (hennar vegna) að vinir hennar hafi ekki gaman af fótbolta.... annars mun verða fámennt teitið.

Á laugardaginn er ég að fara á The DaVinci Code í boði Sony Ericsson og ég hlakka mikið til þess. Verður fínt að fá að líta nýjan síma og sjá efnilega mynd frítt (tala nú ekki um ef Sony tímir að blæða á mig pínu poppi)