Gallað próf...

ég fór í gær og fékk niðurstöðurnar úr áhugasviðsprófinu sem ég tók á þriðjudaginn og ég verð að segja að niðurstöðurnar komu mér ekkert á óvart. Þetta var svokallað SDS próf og niðurstöðurnar eru þannig að maður fær einkunnir sem raðast niður á sex mismunandi stafi og hver stafur táknar eitthvað persónueinkenni hjá manni. Mínar niðurstöður voru: S A , þar sem S stendur fyrir Social, A fyrir Artistic og E fyrir Entrepreneur (man ekkert hvernig þetta er stafað en þið skiljið mig). So far so good, ég var alveg sáttur við þetta þar sem að mér finnst gaman að hjálpa fólki (social), finnst gaman að semja klámvísur (artistic) og mig langar að opna mína eigin búð þar sem ég sel DVD myndir sem enginn hefur heyrt um.

En svo fór að kárna gamanið þegar námsráðgjafinn rétti mér lista yfir störf sem þykja samræmast mönnum eins og mér, þ.e.a.s. menn sem eru með SAE kóðann eða eitthvað mjög líkt (SEA, ASE eða AES). Þegar ég leit yfir þennan lista af störfum sem áttu að henta mér ákvað ég að þetta próf væri meingallað. Mig langar að nefna nokkur störf bara af handahófi og leyfa ykkur að dæma um hvort að þessi störf eigi við mig.

Módel (as in Fashion)
Galdramaður
Danshöfundur
Skósölumaður
Hljómsveitarstjórnandi
Snyrtifræðingur
Stílisti
Leikskólastjóri

Ehh..... ég held að ég fari í upptökupróf á þessu áhugasviðsprófi... þetta gekk greinilega ekki vel.