Hjálp!

Ég er orðinn leiður á því að viðskiptavinir mínir standi í þeirri trú að ég sé kona! Ég þoli ekki lengur að heyra í símanum:"Já vinan!" eða "allt í lagi, ljúfan!" Þess vegna lýsi ég eftir einhverri leið til að breyta röddinni minni þannig að hún hljómi karlmannslegri. Þetta er án gríns farið að vera VIRKILEGA pirrandi. Ok ég veit að ég er ekki með einhverja rosalega macho rödd en for crying out loud ég hljóma ekki eins og kelling (Ási, vinsamlegast haltu þínum skoðunum útaf fyrir þig á þessu tiltekna málefni!). Ég er án gríns farinn að örvænta, mér finnst eins og karlmennska mín fari minnkandi með hverju símtalinu sem líður þar sem kúnninn stendur í þeirri trú að ég sé kona. Ef fram fer sem horfir þá mun ég enda á því að troða sandpappír ofan í kok á mér í þeirri veiku von að ég fái svona Clint Eastwood kúrekarödd. Ef það klikkar mun ég þamba heilt gallon af Acetoni í þeirri veiku von að það muni hafa tilætluð áhrif. Þetta er í alvörunni farið að leggjast þungt á sálarlífið hjá mér og mun ég á endanum liggja nakinn í fósturstellingunni í hrúgu af mínum eigin saur og sjúga þumalputtann!