DV.....

Núna loksins er fólk farið að fatta það sem ég er búinn að vera að segja í heilt ár.... DV er sori og á heima í ruslinu en ekki inni á heimilum landsmanna. Það hafa væntanlega allir tekið eftir því mannsmorði sem DV framdi í gær og ég segi bara... það hlaut að koma að þessu! Viku eftir viku tekur DV mannorð manna af lífi bara fyrir það eitt að vera grunaðir um eitthvað. Það er ekki lengur gamla góða prinsippið: "saklaus uns sekt er sönnuð" heldur er þetta núna "sekur uns sakleysi er sannað". Nú þekki ég þó nokkra sem hafa lent í skítkastinu hjá DV, sumir hafa átt það skilið og sumir hafa engan veginn átt það skilið. En spurningin er ekki hvort að fólk hafi átt þetta skilið heldur snýst málið um það hvort að DV sé með réttindi til þess að dæma fólk.
Það auðvitað segir sig sjálft að um leið og það er búið að birta mynd af þér á forsíðunni á DV og fyrirsögnin segir "Barnaníðingurinn sem leggur í fatlaðra stæði!" þá ertu basically búinn að vera. Getur líklega gleymt því að fá vinnu í leikskólum Kópavogs.

Núna gengur um á netinu undirskriftalisti til að mótmæla stefnu DV og hvet ég alla til að skrifa undir það plagg því maður veit aldrei hvenær smá misskilningur getur skilað manni á forsíðu DV.
Ég veit að ég vill amk ekki lenda þar!