Jæja þá er þetta jóladæmi að mestu búið og þá geta hlutirnir aftur orðið eðlilegir. Þetta jóladæmi er svo sem fínt en ég er hálf feginn að allt þetta vesen er búið. En jólin voru nokkuð góð annars, eyddum jólunum í sveitinni hjá foreldrum mínum og það var bara mjög þægilegt. Það sem bjargaði alveg jólunum var einkum tvennt. Í fyrsta lagi þá komst ég í jólafótboltann sem klikkaði í fyrra. Manni finnst einhvern veginn ekki vera komin jól nema að maður ná að sparka í tuðru á aðfangadagsmorgun.


Hitt atriðið sem bjargaði jólunum voru hvolparnir. Þannig er mál með vexti að í september fæddust 7 hvolpar í sveitinni. 5 þeirra eru búnir að finna heimili en tveir, Skuggi og Pjakkur, hanga ennþá í sveitinni. Pjakkur er búinn að finna varanlegt heimili í sveitinni en Skugga vantar heimili. Þannig að ef það er einhver sem vill fá síðbúna jólagjöf í formi hvolps getur sá hinn sami haft samband við mig!